चुनावी अभियानमा हिडेका एमाले नेतामाथि खुकुरी प्रहार, पिठ्युमा ठूलो घाउ !

२५ बैशाख,स्याङजा । स्याङजा जिल्लामा एमालेका नेता तथा कार्यकर्ताहरूलाई कांग्रेसका कार्यकर्ताले खुकुरी प्रहार गरेर घाइते बनाएका छन् ।स्याङजाको चापाकोट नगरपालिका वडा नम्बर ६ साखरमोहमी धारापानी भन्ने स्थानमा आइबार कांग्रेसका कार्यकर्ताहरूले एमालेका कार्यकर्तामाथि सांघातिक आक्रमण गरेको एमालेका नेता ताजमोहम्मद मियाँले जानकारी दिए । आक्रमणबाट सुनबहादुर थापाको पिठ्युमा खुकुरीले काटिएको छ । उनको स्थानीय अस्पतालमा उपचार भइरहेको छ । कांग्रेस कार्यकर्ताहरूको आक्रमणमा परेर घाइते हुने एमाले कार्यकर्ताहरूमा डिल्लीराम खनाल, पदम विश्वकर्मा र बलबहादुर थापा रहेका छन् । उनीहरूलाई कांग्रेसका लालबहादुर जिटीले खुकुरी प्रहार गरेको हक कमिटीका पूर्व अध्यक्ष समेत रहेका एमाले नेता मियाँले बताए । प्रहरीले जिटीलाई पक्राउ गर्न सकेको छैन । घटनामा संलग्न दुई जना भने पक्राउ परेका छन् ।