लहान,बैशाख ३१ गते । लहान नगरपालिकामा शनिबार राती दुई वटा मोटरसाईकल एक आपसमा ठोकिएर दुर्घटना हुँदा एक जनाको मृत्यु भएको छ, भने ५ जना घाईते भएका छन । पूर्व पश्चिम राजमार्गमा पूर्व आउदै गरेको स.८प १०११ नम्बरको मोटरसाईकल र विपरित दिसाबाट जाँदै गरेको लु.३प४८५५नम्बरको मोटरसाईकल एक आपसमा ठोक्किदा सो दुर्घटना भएको थियो । दुर्घटनामा परी स.८प १०११ मोटरसाईकल चालक सिरहा मोहनपुर कमलपुर ९बस्ने सन्तोष चौधरीको मृत्यु भएको हो । त्यस्तै सोही मोटरसाईकलको पछाडी सवार मृतकको दाजु लक्ष्मीकान्त चौधरी र बनौली ८ बस्ने देबनन्द चौधरी घाईते भएका छन ।
यसैगरी ४८५५ नम्बरको मोटरसाईकलमा सवार सप्तरी हनुमाननगर नगरपालिका १० बस्ने सुरेश यादव, नारायण यादब र अनिल यादब घाईते भएका छन । घाईते पाँचै जनालाई उपचारकालागी न्यूरो अस्पताल बिराटनगर पठाईएको इलाका प्रहरी कार्यालय लहानले जनाएको छ ।