१६ वर्षपछि फरार अभियुक्त पक्राउ

११ जेठ, झापा । कर्तव्य ज्यान मुद्दामा फरार एक जना अभियुक्त १६ वर्षपछि पक्राउ परेका छन् । झापा भद्रपुर नगरपालिका-४ का ५३ वर्षीय हर्कबहादुर राई पक्राउ परेका छन् । राईमाथि सोही नगरपालिका बस्ने भक्तबहादुर राईलाई २०५८ साल पुस ८ गते हत्या गरी फरार रहेको आरोप छ । जिल्ला प्रहरी कार्यालय झापाबाट खोजतलास गर्ने क्रममा आफ्नै घरमा लुकीछिपी बसिरहेको अवस्थामा उनलाई बुधबार साँझ पक्राउ गरिएको जिल्ला प्रहरी कार्यालय झापाले जनाएको छ ।