प्रहरी चौकीबाट हतकडी सहित फरार

असार ५, सिन्धुली: सिन्धुलीको चकमके प्रहरी चौकीबाट हतकडी सहित एक अभियुक्त फरार भएका छन् । सबै प्रहरी सुतिरहेको मौका छोपी गएराति तीन पाटन गाउँपालिका ११ लाम्पान्टार का २३ वर्षीया चन्द्रबहादुर श्रेष्ठ फरार भएका हुन् । मदिरा सेवन गरी श्रीमति, परिवारका अन्य सदस्य तथा छिमेकीलाई समेत कुटपिट गर्ने, गाली वेइज्जती गर्ने कार्य गरेको आरोपमा उजुरी परेपछि प्रहरीले उनलाई नियन्त्रणमा लिएको थियो । तर, श्रेष्ठ रातको समयमा प्रहरी चौकीकै प्लाष्टिकको कुर्सीमा हत्कडी लगाएर राखेको अवस्थामै फरार भएका हुन् । रातको समयमा सबै प्रहरी सुतेपछि श्रेष्ठ फरार भएको प्रहरीले जनाएको छ । उनको खोजी कार्य जारी राखिएको सिन्धुलीका डिएस्पी सुवासचन्द्र बोहोराले बताउनुभयो ।