वाइसिएल अर्घाखाँचीमा पुन भुसाल निर्वाचित

हरिप्रसाद भुसाल चैत्र २० अर्घाखाँची
नेकपा माओवादी केन्द्र निकटका युवाहरुको संगठन वाइसिएल नेपाल अर्घाखाँचीको एकताको प्रथम जिल्ला सम्मेलन हिजो सन्धिखर्कमा सम्पन्न भएको छ ।
सम्मेलनले गोविन्द भुसालको अध्यक्षतामा ६५ सदस्यीय जिल्ला समितिको सर्वसम्मत गठन गरेको हो । जसको उपाध्यक्षमा मान बहादुर बि.क., ईश्वरी जि.सि., भुपाल शारुमगर , प्रकाश खनाल सचिवमा भीष्म कँवर , सहसचिवमा विनिता कुमाल र कोषाध्यक्षमा बजरदिन मिया निर्वाचित भएको बताइएको छ ।
वाइसिएलका केन्द्रीय महासचिव रामप्रसाद सापकोटाले उद्घाटन गरेको कार्यक्रममा माओवादी नेताहरु डिलाराम आचार्य, चन्द्र बहादुर खड्का, ठाकुर कुमार वि.क. लगायतका नेताहरुको बिशेष आतिथ्यता रहेको थियो ।