रौतहटमा एक किलो सुन सहित दुई जना पक्राउ, भारतीय गाडी पनि नियन्त्रणमा ।

रौतहट । साउन १३ गते । नेपाल प्रहरीले एक किलो सुन सहित दुई जनालाई रौतहटको बमनाहरबाट पक्राउ गरेको छ । पक्राउ पर्नेहरुमा गौर न.पा ५ का दिनानाथ गुप्ता र गौर ७ का सरोज राय यादव रहेका जिल्ला प्रहरी कार्यालय रौतहटले जनाएको छ । प्रहरीले उनिहरु चढेको भारतीय गाडी BR05PA- 0912 नम्वरको टाटा सुमो पनि नियन्त्रणमा लिएका छन । पक्राउ सुनको मूल्य ४६ लाख ४० हजार अनुमानित गरिएको छ । यस सन्दर्भमा थप अनुसंधान भईरहेको जिल्ला प्रहरी कार्यालय रौतहटले जनाएको छ ।