रौतहटमा बाम गठबन्धनको भेलाको लक्षित गरि बम विस्फोट, आठ घाइते

नरेन्द्र साह,रौतहट,२मंसिर, रौतहटको चन्द्रपुर नगरपालिका ५ राधाकृष्ण मन्दिर नजिकै भएको बम विस्फोट भएको छ । विस्फोटमा ८ जना घाइते भएको प्रहरीले जनाएको छ। वाम गठबन्धनको भेला चलिरहेको अवस्थामा नजिकै ठूलो आवाजसहित बम विष्फोट भएको प्रहरीले जनाएको छ। बम विष्फोटमा परी ३१ वर्षीया सीता राई र उनका ७ वर्षीय छोरा जैविक राई गम्भीर घाइते भएका छन । यसैगरी लक्ष्मी राई, रत्न बहादुर विक, कुन्ता खत्री, गोपाल विक, दिलमाया राई तथा यमुना काफ्ले घाइते भएका छन। घाइते मध्ये गोपाल विक र यमुना काफ्लेको चन्द्रपुर अस्पतालमा उपचार भइरहेको छ भने बाँकी ६ जनालाई थप उपचारको लागि भरतपुर पठाइएको र बिस्तृत विवरण आउन बाकी रहेको छ।