मधेशमा कांग्रेसलाई भोट माँग्ने नैतिक अधिकार छैन : अनिल झा

नरेन्द्र साह,रौतहट,मंसिर १९ राजपा नेपालका अध्यक्ष मण्डलका सदस्य एवम् रौतहट क्षेत्र नम्बर १ का प्रतिनिधि सभाका लागि उम्मेद्धवार अनिल झाले कांग्रेसलाई भोट माँग्ने नैतिक अधिकार नभएको आरोप बताएका छन् ।सोमबार आयोजना गरिएको विशेष चुनावी साक्षात्कारमा बोल्दै उनले कांग्रेसलाई अब भोट माँग्ने अधिकार नै नभएको आरोप लगाए ।उनले भने,‘कांग्रेसले मधेशमा सबै कुरा गुमाईसक्यो, कांग्रेसले विकास गरेन, विकास गर्छु भनेर मैले गौरलाई आर्थिक केन्द्र बनाउने प्रस्ताव लिएर गएको थिएँ, गौरमा विकास रोक्ने कांग्रेस हो । त्यसैले मतदाताहरुले कांग्रेसलाई भोट नहाल्नुहोस् । कांग्रेसले नै अहिलेसम्म मधेशलाई भँजाएर खायो, मधेशलाई कमजोर बनाएको हो ।’उनले कांग्रेसलाई ठूलो सर्पको संज्ञा दिए । उनले थपे,‘त्यसले डसेर मधेश र मधेशीलई सिध्याईदिन्छ। अब मधेशी जनता सचेत भैसके ।’ उनले तत्कालिन कांग्रेस सभापति सुशिल कोइरालाको नेतृत्वमा कांग्रेसले जबरजस्ती संविधान जारी गर्दा मधेश र मधेशी जनताहरुको अधिकार खोसिएको आरोप पनि लगाए । कार्यक्रममा उपस्थित् युवाहरुले झामाथि पत्नी डिम्पल झालाई च्यापेर हिँडेको आरोप लगाएपछि उनले उक्त आरोपको खण्डन गर्दै भने,‘यो प्रश्न अहिलेका प्रधानमन्त्री शेरबहादुर देउवालाई सोध्नुहोस्, उहाँले पनि हिजो दुई दुई पटक पत्नी डा। आरजु राणालाई समानुपातिक सांसद बनाएको होईन र रु डिम्पल झाको कुरा नगर्नुहोस्, नातावाद र परिवारवाद केही पनि छैन, हिजो मधेश आन्दोलनमा सबैभन्दा बढि भूमिका निर्वाह गर्ने महिला नेतृत्मा डिम्पल झा पर्छिन्।’