श्रावण ४ गते/रौतहट/नेपाल रेडक्रस सोसाईटी केन्द्रिय कार्यालयका आईएफआरसी अन्तराष्ट्रिय महासंघका नेपाल प्रतिनिधि प्रमुख डेभिड फिसरको टोलीले रौतहट रेडक्रस सोसाईटीमा रहेको रक्त संचार शाखाको अवस्थाबारे अनुगमन तथा जानकारी लिएका छन् । अन्तराष्ट्रिय संगठन रेडक्रस र रेडक्रस सोसाईटीको नीति नियममा रहेका विश्वका मानवीय सेवामा काम गर्न विश्वका १९१ देशमा रेडक्रसका स्थापना भईसकेको छ ।नेपालमा रेडक्रसको स्थापना वि.स.२०२० मा भएको रौतहट जिल्लामा रेडक्रसको स्थापना २०२७ सालमा भएको हो ।मानवीय सेवामा काम गर्ने संस्थाको रुपमा रहेका रेडक्रसले आफनो अमुल्य जिवनदान गर्ने रक्तदान व्लडको आवश्यकता सवैलाई पर्ने भएकोले यस जिल्लामा ने.रे.सो रौतहट शाखा अन्तर्गत आफनै भवनमा रक्त संचार सेवा प्रवाह हुदै आएकोमा सर्ब विदितै छ । स्थापना काल देखि जिल्लाका गरिब, निमुखा विपन्न वा विरामीमा रहेको रोगीहरुलाई निःशुल्क सःशुल्क रक्त सेवा प्रदान गर्दै आईरहेको छ ।नेपालमा रहेको रेडक्रस मार्फत संचालनमा रहेका रक्त संचार सेवाको अनुगमन अवस्थाको बारेमा जानकारी लिन आईएफ आरसीका प्रतिनिधि मण्डल प्रमुख डेभिड फिसर, ग्लोबल फोकल पर्सन डा.इलिजावेथ भिनेल, स्वीस रेडक्रसका डा.सोनिया अविसर आईएफआरसीका नेपाल हेर्ने सिनियर अफिसर रसमी झाको टिमले अनुगमन गर्ने क्रममा रौतहट जिल्लामा रहेको रक्त संचार सेवामा रक्तदान गर्ने सेवा प्रदायकको विवरण, भवन, ब्लड चेक गर्ने अवस्था, कर्मचारीको विवरण, ब्लडको खपत, ब्लडमा लाग्ने शुल्क निशुल्क रक्तहरुको परीक्षण के कसरी हुदै आइएको छ, त्यसको सम्पूर्ण निरीक्षण गरियो ।केन्द्रिय महासंघको अनुगमनकर्ताको टोली क्रममा नेपाल रेडक्रस सोसाईटी रौहतट शाखाका सभापति राजकिशोर यादवको उपस्थितिमा उपसभापति अनुरुद्ध महतो, निलु झा, महामन्त्री धर्मेन्द्र प्रसाद सिंह, कोषाध्यक्ष रामाधार राय यादव, ब्लड संयोजक संजय यादव, शेख कैमुदिन, उपमहामन्त्री हसरे आलम, प्रचार प्रसार समितिका संयोजक रामएकवाल साह, बालकिशोर जयसवाल, शाखा अधिकृत कपिलदेव पडित, रक्त संचार सेवा प्रमुख लालबाबु यादवको उपस्थितिमा अनुगमनकर्ता र शाखाका कार्यसमिति पदाधिकारी सदस्यहरुगण बीच अन्तरक्रिया कार्यक्रम सम्पन्न भयो ।
