काठमाडौंको बिजुलीबजारमा कार दुर्घटना, एकको मृत्यु, दुई घाइते

२४ वैशाख, काठमाडौं । गएराति बिजुली बजारमा कार दुर्घटना हुँदा एक जनाको ज्यान गएको छ भने दुई घाइते भएका छन् । दुर्घटनामा धनकुटाका चन्द्र निरौलाको मृत्यु भएको छ । तीनकुनेबाट बबरमहलतर्फ आइरहेको बा१६च ८६०३ नंको कार पोलमा ठोक्किएर दुर्घटना भएको हो । दुर्घटनामा गम्भीर घाइते भएका निरौलाको बानेश्वरस्थित एभरेष्ट नर्सिङहोममा उपचारका क्रममा निधन भएको प्रहरी प्रभाग, बानेश्वरले जनाएको छ । घाइते भक्त तामाङ र गणेश खत्रीको उपचार भइरहेको छ ।