एमालेको चुनावी घरदैलोमा कांग्रेस कार्यकर्ताद्वारा खुकुरी प्रहार ४ जना घाइते ।

वैशाख २६ गते । एमालेको चुनावी घरदैलो कार्यक्रममा कांग्रेसका कार्यकर्ताहरुले खुकुरी प्रहार गरेका छन ।
चापाकोट नगरपालिका ६ धारानस्थित एमालेको चुनावी घरदैलो कार्यक्रम भईरहेको बेला एक्कासी कांग्रेस कार्यकर्ताहरुले खुकुरी प्रहर गरेका हुन् । कांग्रेस कार्यकर्ताहरुको खुकुरी प्रहारबाट ४ जना एमालेको कार्यकर्ता घाइते भएको छ । घाइते हुनेमा स्थानीय डिल्लीराम खनाल , सुनबहादुर थापा,पदम बिक ,र बेल बहादुर बिक रहेको छ । उनीहरुको चापाकोट सामुदायिक अस्पतालमा उपचार भईरहेको छ । घाइते खनाल एमालेको तर्फबाट स्याङ्जा वडा नम्बर ६ को अध्यक्षका उम्मेदवार पनि हुन् । खुकुरी प्रहारको कारण भने खुल्न न सकेको एमालेको कार्यकर्ताहरुको भनाई छ । धारानस्थित एमालेको नेता किशोर बिक्रम मल्ल ,शोभियत ढकाल , रामचन्द्र भट्टराई र नगरका मेयरका उम्मेदवार डा, बुद्धिमान श्रेष्ठले घरदैलो कार्यक्रम गरिरहेको बेला एक्काशी आक्रमण भएको हो। सोहि नगरपालिकाका कांग्रेस तर्फका मेयरका उम्मेदवार शिव गिरि एउटा गाडीमा र बाटो हिड्ने क्रममा कांग्रेसका कार्यकर्ताले बिना कारण खुकुरी प्रहार गरेको प्रत्यक्षदर्शीले बताएका छन् । सोहि क्रममा कांग्रेसक कार्यकर्ता धिरज खाद्लाई खुकुरी सहित पक्राउ गरेको छ ।