ट्रयाक्टरको ठक्करबाट साईकल यात्रीको मुत्यु ।

नरेन्द्र साह। रौतहट । जेष्ठ ०७ । रौतहटमा एक महिनाको भित्र भएको यो तेस्रो सवारि दुर्घटना हो । रौतहट जिल्लामा ट्रयाक्टरको ठक्करबाट एक जना साईकल यात्रीको मुत्यु भएको छ ।हिजो शनिवार अंदाजी दिनको १ बजेको समयमा जिल्लाको गरुडा नगरपालिका वडा नम्बर ६ शिवनगर चोक स्थित ट्रयाक्टरले साईकल यात्रीलाई ठक्कर दिएको थियो । गौर चपुर सडक खण्डमा गरुडाबाट सुकदेवचोक तर्फ जादै गरेको ना ३ त ६६७० नम्बरको ट्याक्टरले ठक्कर दिदा साईकल यात्री स्थानिय अंदाजी ४५ वर्षिय राम सेवक राय घाईते एका थिए । रायको ओम हेल्थ केयर प्रा.लि. शिवनगरमा उपचारको क्रममा मृत्यु भएको छ । ठक्कर दिने ट्याक्टर र चालक ईलाका प्रहरी कार्यालय गरुडाको नियन्त्रणमा रहेको र थप अनुशन्धान भई रहेको जिल्ला प्रहरी कार्यालय रौतहटले जनाएको छ ।