बारा जिल्लामा दुर्घटनामा परी एक जनाको मृत्यु

जेष्ठ ९,बाराको जितपुर सिमरा उपमहानगरपालीका १ अन्तर्गत पूर्वपश्चिम सडकखण्डमा बसले ट्रयाक्टरलाई ठक्कर दिदा एक जनाको मृत्यु भएको छ । काठमाण्डौबाट जनपुरतर्फ जादै गरेको ना ५ ख २४६५ नम्बरको बसले सोहि दिशामा रहेको ना ३ त ४४०९ नम्बरको ट्रयाक्टरलाई ठक्कर दिदा ट्रयाक्टरका सहचालकको मृत्यु भएको हो । घटनामा परि गम्भिर घाईते भएका जितपुर सिमरा उपमहानगर ४ बस्ने अन्दाजि २० बर्षिय सहचालक महेश पासवानको नारयाणि उपक्षेत्रीय अस्पताल बिरगञ्जमा उपचारको क्रममा आज बिहान ६ः१५ बजेको समयमा मृत्यु भएको हो । बस र ट्रयाक्टर घटनास्थलमै रहेको तथा बसका चालक फरार रहेको प्रहरीले जनाएको छ । ट्रयाक्टर जितपुर सिमरा उपमहानगरपालीका २ बस्ने दामोदर गौतम्को रहेको बताईएको छ । घटनाबारे थप अनुसन्धान भैरहेको ईलाकाप्रहरी कार्यालय सिमराले जनाएको छ ।