राष्ट्रिय जनता पार्टी नेपाल रौतहट को जिल्ला संयोजक मा दास तत्मा

नरेश कुमार पंडित / रौतहट/ जेठ १७ / राष्ट्रिय जनता पार्टी नेपाल रौतहटको अध्यक्ष मण्डलको संयोजकमा राम प्रवेश दास तत्मालाई सर्व सहमतिले चयन हुनु भएको छ । राष्ट्रिय जनता पार्टी नेपाल रौतहटको आज वुधवार बसेको अध्यक्ष मण्डलको बैठकबाट दासलाई संयोजक बनाउने निर्णय गरिएको छ । दास यो भन्दा पहिला राष्ट्रिय मधेस समाजवादी पार्टीको रौतटह जिल्ला अध्यक्ष रहनु भएका थिए । मधेसबाट प्रतिनिधित्व गर्ने ६ वटा पार्टीको एकता भए पछि बनेको राष्ट्रिय जनता पार्टी नेपालको रौतहटमा अहिले पार्टीको संयोजकको टुंगो लागेको थिएन । आज बसेको राजपा नेपाल रौतहटको अध्यक्ष मण्डलको बैठकबाट दासलाई संयोजकमा चयन गरिएको छ । साथै उक्त बैठकले आउदै गरेको जेठ २१ गतेको बस्ने बैठकको लागि अध्यक्ष मण्डल अध्यक्षहरु,केन्द्रिय समितिका पदाधिकारी सदस्यहरु र क्षेत्रिय अध्यक्षहरुलाई उक्त बैठकमा सहभागि भई दिन हुनको लागि विज्ञप्ती मार्फत राजपा नेपाल रौतहटले अनुरोध गरेको छ ।