चट्याङले आगो लाग्योे, जलेर दुई चौपायाको मृत्यु

सल्लेरी, २२ वैशाख, बिहीबार अपराह्न ४ बजे परेको चट्याङका कारण नेचा सल्यान गाउँपालिका–३ भट्टराई टोलमा चुडामणि भटृराईको गोठमा आगलागी भएको छ । सामान्य बर्सातसँगै परेको चट्याङ लागेर आगलागी हुँदा गोठमा रहेका भैँसी र पाडाको जलेर मृत्यु भएको प्रहरीले जनाएको छ । घर नजिकै रहेको गोठमा लागेको आगो स्थानीयवासी र नेपाल प्रहरीको प्रयासपछि नियन्त्रणमा आएको थियो । रासस