३१ बैशाख, नेकपा (एमाले) अध्यक्ष केपी शर्मा ओलीले मतदान गर्नु भएको छ । उहाँले स्थानीय तहको निर्वाचन अन्तर्गत पहिलो चरणको निर्वाचनमा बालकोटस्थित महेन्द्र शान्ति विद्यालयमा ११ बजेर ३० मिनेटमा मतदान गर्नु भएको हो । उहाँले मतदानमा सहभागी हुँदै सबै जनालाई आशावादी भएर निर्वाचनमा भाग लिन आग्रह गर्नु भएको छ । उहाँले निर्धक्क चुनावमा भाग लिन आग्रह गर्दै केही ठाउँमा बुध कब्जा गर्ने, धम्क्याउने जस्ता कार्य भएको भन्दै निर्वाचन आयोग र सरकारलाई त्यस्ता कार्य तत्काल रोक्न आग्रह गर्नु भएको छ । ‘सरकार र प्रशासनकै प्रत्यक्ष सहभागीता केही ठाउँमा धाँदली भएको, एमालेका नेता–कार्यकर्तामाथि आक्रमण भएको जानकारी आएको छ,’ उहाँले भन्नुभयो , ‘त्यसरी धाँधली भएका ठाउँको तत्काल निरीक्षण गरेर धाँदली गर्नेहरुलाई कारबाही गर्न र कब्जा भएको ठाउँको चुनाव तत्काल स्थगन गरेर फेरि निर्वाचन गर्ने वातावरण बनाउन आग्रह गर्छु