मतदाता फकाउने प्रचण्डको काइदाः म माथी राज गर्ने अवसर आयो

०८, असार २०७४ बाँके । नेकपा माओवादी केन्द्रका अध्यक्ष पुष्पकमल दाहाल प्रचण्डले फेरी मायाप्रेमको कुरा गर्न थालेका छन् । विगतमा कहिले मधेससँग माया बसेको र कहिले जनजातिहरुसँग माया बसेको अभिब्यक्ति दिने गरेका प्रचण्डले विहीबार बाँकेको कोहलपुर पुगेर मतदाता फकाउन मायाप्रेमका कुरा गरे । ‘कोहलपुरबासी र माओवादीको गहिरो सम्बन्ध छ’ चुनावी सभालाई सम्वोधन गर्दै दाहालले ‘माओवादी हेडक्वार र कोहलपुरबासीको प्रेम सदियौतक रहिरहनेछ ।प्रचण्डले नव विकसित कोहलपुर विकासको एजेण्डा माओवादी केन्द्रसँग भएको दावी गरे । ‘तपाईहरु नरेन्द्र न्यौपानेलाई जिताउनुहोस, उहाँको र मेरो सिधै सम्पर्क छ’ दाहालले भने ‘प्रचण्डमाथी राज गर्ने भए यो तपाईहरुलाई अवसर छ ।’ न्यौपानेलाई माओवादी केन्द्रले कोहलपुर नगरपालिकाको मेयरमा उम्मेद्धार बनाएको छ ।