फेरी आज संसद बैठक स्थगित, अब चुनावपछि मात्रै बस्ने

२४ बैशाख, काठमाडौं । व्यवस्थापिका संसद जेठ ४ गतेसम्म स्थगित हुने भएको छ । आज दिउँसो एक बजे बस्ने भनिएको बैठक निर्वाचन पछिसम्मका लागि सर्न लागेको हो । संसद सचिवालयले स्थानीय तहको चुनाव सकिएपछि जेठ ४ गते मात्रै बस्ने गरी स्थगित गर्ने सूचना टाँस गर्न लागेको स्रोतले अनलाइनखबरलाई बतायो । यसैबीच सभामुख ओनसरी घर्तीले नयाँबानेश्वरस्थित संसद भवनको शंकर हलमा विशेष पत्रकार सम्मेलनको आयोजना गरेकी छन् ।