सन्दिप योगी बाँकेमा लागुऔषधसहित पक्राउ

५ जेठ, नेपालगन्ज । पूर्वपश्चिम राजमार्ग अन्तरगत बाँकेको खासकुस्मा नजिकै प्रहरी चेकिङ्गमा एक युवा लागू औषधसहित प्रकाउ परेका छन् ।
नेपालगन्जबाट दाङ्गतर्फ जाँदै गरेको बा ८० प २९४४ नं. को मोटरसाईकलमा सवार सन्दिप योगी प्रतिबन्धित लागू औषध सहित पक्राउ परेको जिल्ला प्रहरी कार्यालय बाँकेका प्रहरी उपरीक्षक टेकप्रसाद राईले जानकारी दिए ।‘प्रहरी चेकिङ्गमा आनाकानी गरेपछि खानतलासी लिने क्रममा प्रतिबन्धित तथा लागू औषधको रुपमा रहेको १५ पत्तामा रहेको ५८ ट्याब्लेट नाईट्रोजपाम र १ बोतल कोरेक्स बरामद भएको छ ।’-प्रहरी उपरीक्षक राईले भने । लागू औषधसहित प्रहरी नियन्त्रणमा परेका योगीको साथबाट न्यूज २४ टिभिमा कार्यरत रहेको परिचयपत्र समेत भेटिएको प्रहरीले जनाएको छ । केही समय पहिला पनि योगीले नेपालगन्जको भेरी अञ्चल अस्पतालमा ‘स्टीङ्ग अपरेशनको’ नाममा अस्पतालमा कार्यरत नर्सिङ्ग स्टाफलाई दुव्र्यवहार गरेको आरोपमा प्रहरीले नियन्त्रणमा लिएको थियो । पक्राउ परेका योगीलाई ईलाका प्रहरी कार्यालय कोहलपुरमा ल्याउदै गरेको प्रहरीले जनाएको छ । लोकमान कार्कीको फोटो खिच्ने प्रकरणमा समेत योगी चर्चामा रहेका थिए । योगीलाई थप अनुसंधान गरी लागू औषध कारोबार ऐन अन्तरगत कारवाही प्रकृया अघि बढाउने प्रहरी उपरीक्षक राईले जानकारी दिए ।