हरिप्रसाद भुसाल चैत्र २५ अर्घाखाँची
स्वतन्त्र पत्रकार संघ नेपालको छैटौं साधारणसभा तथा दोस्रो अधिवेशनले पुनः कृष्णप्रसाद बास्तोलालाई अध्यक्षमा चयन गरेको छ । बास्तोलाको अध्यक्षतामा अधिवेशनले १९ सदस्यीय नयाँ कार्यसमिति चयन गरेको हो ।
समितिको वरिष्ठ उपाध्यक्ष उदयबहादुर अमात्य, उपाध्यक्षमा शान्ति राणा, प्रदेश नं.३ उपाध्यक्षमा सुरेश श्रेष्ठ, प्रदेश नं.४ को उपाध्यक्ष दीननाथ बराल र प्रदेश नं.५ को उपाध्यक्षमा रमेश सिटौला निर्वा्चित भएका छन् । त्यसैगरी, महासचिवमा नवराज पहाडी, उपमहासचिवमा राजेन्द्रजंग रायमाझी र शीला गुरुङ, कोषाध्यक्षमा वीरेन्द्र पाण्डे, तथा सहकोषाध्यक्षमा अम्बिका पाण्डे चयन भएका छन् ।
समितिको सदस्यमा आस गुरुङ, सुनराम विक ‘सुशील’, टीकाराम अधिकारी, मन भण्डारी, पुलप्रसाद गुरुङ, प्रल्हाद चन्द्र घिमिरे, ढाकामोहन बराल र प्रकाश बास्तोला सर्वसम्वत चयन भएका छन् । अधिवक्ता भूपनिधि पन्तको संयोजकत्वमा गठित निर्वाचन समितिले निर्वाचन सम्पन्न गरेको हो। समितिका सदस्यमा यज्ञप्रसाद बास्तोला र तारा शर्मा रहेका थिए। अधिबेशनले संघको विधान संशोधन गरी स्वतन्त्र पत्रकार महासंघ नेपाल बनाएको छ
अधिवेशनको उद्धाटन पूर्व प्रधानन्यायाधीश तथा मन्त्रिपरिषदका पूर्व अध्यक्ष खिलराज रेग्मीले गरेका थिए ।
