हावाहुरीले विद्यालयको छानो उडायो

बाबियाचौर, २२ वैशाख, धौलागिरि गाउँपालिका–६ मराङस्थित राम्चे प्राविको कक्षाकोठा भवनको छानो बिहीबार दिउँसोको हावाहुरीले उडाएको छ ।
बेजोडका साथ चलेको हावाहुरीले दुईकोठे भवनको जस्तापाताको छानो उडाएको विद्यालयका प्रधानाध्यापक छोटेलाल ठाकुरले बताए । उनका अनुसार विद्यालयको प्रशासनिक कार्यालय र कक्षा ५ को पठनपाठन हुने भवनको छानो उडाएको हो । छानो उडाउँदा प्रशासन कक्षका मानमा क्षति पनि पुगेको छ भने पठनपाठन सञ्चालनमा समस्या सिर्जना भएको छ । विद्यालय छुट्टी भइसकेपछि हुरीबतास चलेको थियो । रासस