खुकुरी प्रहार गरी हत्या

वैशाख २४, २०७४- मध्यपुरथिमि नगरपालिका गठ्ठाघर सागबारी स्थित खुकुरी प्रहार गरी एक व्यक्ति हत्या भएको छ । मध्यपुरथिमि कौशलटार बस्ने २७ वर्षीय पारस कोइरालाले आफ्नै मामाको छोरा ३२ वर्षीय सौरव सुवेदीलाई आइतबार बिहान साढे ७ बजे खुकुरी प्रहार गरी हत्या गरेको प्रहरीले जनाएको छ । घरमा बसिरहेको अवस्थामा कोइरालाले खुकुरी प्रहार गरी भागेको खुकुरी प्रहारबाट सख्त घाइते सुवेदीको उपचारका क्रममा बिएण्डबी अस्पतालमा मृत्यु भएको महानगरीय प्रहरी वृत्त ठिमि प्रमुख डीएसपी श्यामबाबु ओलियाले बताए । हत्याको कारण भने खुल्न सकेको नसकेको प्रहरीले जनाएको छ । मृतक सुवेदी एसबीआई बैंक लैनचौरमा कार्यरत म्यानेजर भएको प्रहरीले जनाएको छ । खुकुरी प्रहार गर्ने कोइरालालाई प्रहरीले धादिङको बेनीघाटबाट पक्राउ गरेको छ ।